रामफल और गुलाबो की प्यार भरी फोन वार्ता, Sensuous Love chat of Ramphal and Gulaabo Gulabo


Funny Haryanvi Dating of Ramphal and Gulaabo 
रामफल और गुलाबो की प्यार भरी फोन वार्ता, Sensuous Love chat on phone of Ramphal and Gulaabo Gulabo Rani. What a Funny Romantic Haryanvi Chat and Date  ...
 रामफल -और रे गुलाबो के हाल स तेरा ?  
गुलाबो- हाल न के मेरे मलेरिया हो रह्या स?  काम की बात करले मेरी इनकमिंग ठुकन लाग री स 
रामफल- के बोलू तेरे प्यार में कती जान लिकडण न हो रही है  
गुलाबो-हम्बे किते ना तेरे गोली लाग री स  
रामफल- न्यू मत कह ना मै सैड दे सी फोन बंद कर दूंगा
  गुलाबो- फोन बंद करन की धमकी देता हो ते चाहे सौ बे कर दे ,उन्ह कुन्सा तू दूध का धुला स ? 
 रामफल- ये तीर से ना मार ,मेरी कती सान्नी हो जाय्गी  
गुलाबो- चोखा डांगर खा लेंगे  
रामफल- अच्छा तू कल तडके पार्क में आवेगी के?  
गुलाबो- के करांगे पार्क में ?  
रामफल- बैठान्गे और के गोस्से पाथंगे ?  
गुलाबो- बैठन न के तू ब्यावाली भैंस है? 
रामफल- मजाक छोड़ अर बोलबाली आ जाइये 
गुलाबो- अर ज्ये नि आऊ ते ? 
रामफल- इसी बात करके तू मेरे दिल में खड्डे ना कर ,मै मर जायँगा  
गुलाबो- मरण की धमकी दें की जरूरत कोणी स,अच्छा न्यू बता के ख्वावेगा  
रामफल- तू एक बे आ जाइये, फेर चाहे तू मेरे बुडके मार लिए  
गुलाबो- जा ना बावली तरेड ,मै के मानसखानी हु? 
 रामफल- हायरे ,तेरा यो ऐ अंदाज ते मन्ने खा गया , बस तू एक बे आज्या,तेरी बाट में मेरी आंख सूज क पकोड़े बरगी हो री स  
गुलाबो- के महालमाक्खी के छते गेल छेड़ खानी कर रह्या था ?  
रामफल- तू सारी हान मजाक ना करया कर ,कदे सीरियसली भी बता लिया कर ?  
गुलाबो- सीरियस न के तू आइ सी यू में भर्ती हो रह्या स ?
  रामफल- तेरे ते फोन पे बात करना ते आपने ए पिसा का नाश करना स ,तन्ने ते कदे ढंग सर बात ते करनी नि ,ठीक स कल दस बजे पार्क में पोहच जाइये,इब मै काटू सु इस फोन न ? 
 गुलाबो- तन्ने यो फोन साणी समझ राखा है जो काटन की बात करे से ? --- 
रामफल और गुलाबो की पार्क में मुलाकात ----  
रामफल- हाये रे यो चाँद आज कित ते लिकड़या ?  
गुलाबो- घनी मलाई मत चट्वावे ,सीधी डाला बात कर ले  
रामफल- पहला तो न्यू बता इतने देर ते क्या ते आई है  
गुलाबो- के होगया फेर तेरी के गाड़ी निकल गी?  
रामफल- एक बार जी भर क न देख तो लेन दे मेरे कालजे में ठण्ड पड़ जाय्गी 
 गुलाबो- घने चाले ना कर तू ,इतना जाडडा पड़ रह्या से दांत किटकिट बाज रे है और तन्ने और ठण्ड चाहिए रामफल- के बात है आज ते सूट बड़ा जुल्मी गाड राखा स गुलाबो - कहवे तो न्यू है जनु सिमवा के दिया हो ? कदे दो रपिया की मूंगफली तक तो खुवाई नि ? 
रामफल- मूंग फली की रेहड़ी आले ते आवाज़ दे क रामफल बोल्या 
-- भाई दो रुपिया की मूंगफली तोल दे गुलाबो- बस दो रुपिया की ?  
रामफल- ओ भाई ढाई की कर दे ,किसे कीमत पे या नि रुसनी चाहिए ? 
गुलाबो - छोरे ते आजकल नुडल ,पिज़ा ,बर्गर और बेरा ना के के खुवावे स अर तू बस ढाई रपिया की मूंगफली ऐ खुवागा ? न्यू दिखे स तेरा तो कति दिवालिया निकल रह्या स 
रामफल- ना लिकड़ रहा हो ते काढ दिए ? 
 गुलाबो - मै तो चाली ,तेरे ते तो बात करना भी इसा है जनु भीरडा के छते में हाथ देना ,इब तो अपनी अपनी राह हो ला इसमें ऐ भलाई स.
  ...

 


Labels: ,

No comments:

Post a Comment

Subscribe to: Post Comments (Atom)

All time Hot